違反檢疫令罰則｜患腦退化症父親確診堅持外出 偷走出門打傷家人｜第五波疫情

有網民於「香港討論區」上發文，表示陽性老豆堅持要出街，話賣樓交罰款都要出門口。事主表示爸爸今日快測第四日，驗出陽性結果，但是卻日接日堅持要落街攞報紙買早餐，不願居家隔離。 事主表示爸爸第一日偷走落咗街，第二日成家㩒住佢最終在家跌親，叫咗999白車入院。事主諗住去到醫院隔離咗佢，阿媽又唔會染病，又有人睇住佢。點知醫院目前大爆發，爸爸在急症室等咗一個通宵，俾咗藥佢就回家了，而媽媽亦被傳染變咗陽性。 到第四日爸爸仲係好堅持落樓，事主阻止佢時仲揮拳打人，事主唯有報警。警察最終在街邊揾到佢，警告佢今次俾一次機會佢唔罰款，但下次再出門口就要罰款同有機會坐監。事主爸爸轉個頭入返屋就話：「我賣樓交罰款都要出門口，唔可以限制我自由!」 事主當下聽到都呆咗， 居家檢疫令 無自由無寧死嘅決心大到咁。事主不斷勸爸爸話佢咁做會嘢到其他老人家，其他老人家會死，但類似嘅說話都完全無用。原來爸爸有腦退化症，已經確診半年，咁頑固係病徵之一，事主都無晒計。而最後亦全家都確診了。唔少網民留言表示，家中長輩都有同樣的情況，勸極都唔聽。 家人可以按患者本身的生活習慣和興趣，安排有意義及患者感興趣的活動，維持社交互動，既可健腦亦能保持正面情緒。如察覺患者的情緒問題嚴重，應向醫生求助。 陽性確診仍外出，可能會被判監。違反強制檢疫令會構成刑事罪行，違例者最高可被罰款25,000元及監禁六個月。衞生署發言人表示，有關判刑可給予社會非常清晰信息，指出違反檢疫令屬刑事罪行，政府對違反相關規例的人絕不容忍， yahoo hk finance 1211 並嚴正提醒公眾應遵守相關規例。早前共有217人已因違反檢疫令被法庭定罪，被判即時監禁最多十四星期或罰款最高15,000元不等。 日前政府推出陽性結果申報平台，快速測試出現陽性的市民，可以在平台上申報。若市民使用網上平台有困難，亦可致電1836 119自動系統登記身分證明文件及電話號碼。衞生防護中心會於稍後聯絡有關人士，以完成申報程序。已申報的部分市民會被抽樣進行核酸覆核測試。 當局亦建議留在家中，不應外出；如家居環境許可，應留在自己的房間，並關上房門，其他人不應進入；如必須離開房間時，須正確佩戴緊貼面部的外科口罩。時刻做好個人防護措施。 關鍵詞 確診 第五波疫情 腦退化症 違反檢疫令 撰文：Billie 圖片來源：香港愛情故事、photoac、freepik 讀者留言 comScore Mobile Metrix 2018年5月 , 香港報告 , 每月不重複造訪人數。 新傳媒集團數碼平台網址為 orientalsunday.hk , yahoo hk finance 1211